أشترك ليصلك جديد موسوعة المعلومات !
سلام كبير للجميع .....
متجوز من الست اللي بحبها جميلة ست بيت ممتازة دماغها هايلة طيب ..... فيه عيب واحد مجنني ... هية بتموت في الرقص الشرقي هتقولولي وفين المشكلة ؟ماهي مراتك وبترقصلك وكل الكلام ده !!! على عيني وراسي ... أنا اللي عامللي مشكلة انها كل ما اطلب منها حاجة تقوم جري تعملها بسرعة عشان تخلص وتقوم مشغلة السي دي على البيه سعيد ارتيست الطبال المشهور وتعيش بقى في وصلة لا تنتهي من الرقص الشرقي بس أنا نفسي اقعد أتكلم معاها كلمتين على بعض عايز هدوء احيانا خصوصا وانا راجع من الشغل عايز أنام زي البني أدمين ... ولما اطلب منها تأجل الواصلة لوقت تاني تقولي انت راجل غريب غيرك من الأزواج يتمنوا زوجاتهم يدلعوهم وبعدين دي رياضة عشان ما اتخنش ... يا جماعة أنا والله معنديش مانع بس فيه أوقات لكدة مش عمال على بطال بعدين ما شاء الله عليها صحتها مساعداها على الرقص مدد طويلة وانا كرهت الرقص على اللي اخترعوه على سعيد ارتيست ... وطبعا قناة التت اياكش تولع يا رب شغالة في كل أوقات الفراغ يعني أنا اللي اعرفه ان الرجالة هية اللي شغالة على القناة دي وستتاتهم همة اللي بيتخانقوا معاهم مش العكس .... يادي النيلة علية الولية اتجننت بصحيح فانا مش فاهم البنية اللي اتجوزتها دي طبيعية ولا ضربت ولا أنا اللي عبيط ولا ايه بالظبط ؟ مش عارف اقول ايه والله بس اندوشت من الوش اللي الهانم معيشاني فيه هوة فيه كدة ؟؟؟! والنبي ردود بقى عشان العيشة بقت عجيبة
ادهم
تذكر قول الله تعالى :(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).