أشترك ليصلك جديد موسوعة المعلومات !
السلام عليكم ورحمة الله
أنا الابن الوحيد لوالدتي التي زارت بيت الله مرتين وعندي 44 سنة لية بيتي واسرتي .. يعلم الله اني بحاول دايما اكون ملتزم في ديني امام الله ومش فاكر مرة اني كنت ابن عاق والعياذ بالله ... ربنا انعم علية بطفلة هية عندي الدنيا كلها وزوجة فاضلة والحمد لله لكن وللأسف اختبرني وابتلاني في أخلاق امي ... وصل بيه الحال اني ببكي بالدموع بالليل لواحدي بسبب سوء سمعة امي اللي بعرف تفاصيلها من بعض الجيران المقربين واللي أصروا على انهم يحكولي وعلى استحياء عشان أتصرف معاها .. اللي سمعته وللأسف اتاكدت فيما بعد من صحته ان امي متعددة العلاقات برجال ماعرفش همة مين اساسا هتقولولي هية ست كبيرة ... ده صحيح بس اللي عايز أقوله ان والدتي صاحبة ميراث من والدي وجدي ضخم .. هية ست غنية وده في الأغلب سبب تقرب النوع ده من الرجالة منها وبالنسبة ليها هية ست من النوع المتصابي طول الوقت لكن ما توقعتش أبدا ان الحال يوصل بيها للدرجة المهينة دي ... اقسم بالله أنا بكتب الرسالة دي ومش قادر احوش دموعي حاسس بإهانة ربنا ما يكتبها على حد ... يا جماعة أنا طول عمري كنت الابن المطيع البار مش قادر أتخيل في ظرف زي ده هتعامل مع امي ازاي... ياريت ألاقي معاكم النصيحة
أسف على عدم كتابة اسمي
تذكر قول الله تعالى :(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).